Mejuah-Juah!

Mejuah-Juah! Mejuah-Juah! Mejuah-Juah!

Bujur sikataken man Dibata simada kuasa makana kita kerinana anak-anakna – merga silima i belang-belang doni enda lit ibas ingan kejuah-juahen. Sura-surata makana kepar kerinana pinakit, lancar rejeki, lako binagan, mejingkat ertoto ras sekolah gelahna Kejuah-Juahen Ibas kita paksa katawari pe.

Man Bulang/Nini/Mama/Mami/Baba/Nande/Bengkila/Bibi/Senina/Impal/Turang kami kerinana, ibas keriahen kami Perlanjasira Group kerna Kejuah-Juahen Tanah Karo Simalem, enggo ibahan kami sada jambur inganta siajar-ajaren, sitegu-tegun ras sisampat-sampaten. Tepeten ingan enda i kuta Tigajumpa, Kec. Barusjahe, Kab. Karo.

Sura-sura pelebe makana ibas ingan enda banci ilakoken piga-piga pendahin sigelari kami aron. Aron enda emekap:
1. Aron Pustaka
2. Aron Komputer
3. Aron Bahasa Inggris

Mari dagena merga silima kerianana ras-ras kita pesikap Tanah Karo Simalem Enda alu perbahanen simehuli gelahna sura-sura Tanah Karo Simalem terkejap, teridah ras terbegi ku belang-belang pertiwi enda. Mejuah-Juah Merga Silima. Alop…Alopa… Wa! Wa! Wa!

Bapa Aron Perlanjasira Group

Wasit Ginting Munte