Bagi Arimo Tuatua

Arimo tua-tua, janahna erdalan pe lit nge rusur sorana bagi sora kalak jungut-jungut.

Ikataken kujelma si mejungut, enggo me ia sinik nuate, jungut-jungut denga kang.

Si des : Bagi arimo mangan/man dawan. Bagi tuatua Naman. Bagi tuatua rumah perwaluhen.

Bagi Arimo Natap Rabe

Ningkalak, adi arimo ercurmin bas lau, megah akapna ngenehen rupana, seh lupa ndarami nakan. Ikuanken man jelma si labo entabeh babanna nggeluh, tapi la atena erdahin perbahan jore akapna bana.

Bagi Si Ngasuhi Anak Arimo, La Lit Nakanna, Kita Rigepna

Iandingken kujelma si mesera manjangisa janah adi la ibere kita ikurukna entah duitta itangkona.

Arimo

Ngasuhi Anak Arimo, Jukut Nakanna

Ikuanken kujelma si la terasuhi perbahan seh rojalna. la meteh mehuli.

Aras

Aras Jadi Namo.

Kalak si mesera babanna nggeluh jadi kalak bayak. Kebalikenna : Namo Jadi Aras. Biasa ka pe ipersada : Aras Jadi Namo, Namo Jadi Aras. Ipake ngandingken kumalih jaman. Kalak si musil jadi jore, si jore salih kumesera.